हरि सिंह साउद /पुर्चौडी सम्वादाता
बैतडी : सव डिभिजन कार्यालय स्तरीय सामुदायिक वन उपभोक्ता समुहहरुको योजना तर्जुमा गोष्ठी सम्पन्न भएको छ । शनिबार डिभिजन बन कार्यालय बैतडी र सव डिभिजन वन कार्यालय हाटको आयोजनामा बैतडीको पुर्चौडीमा गोष्ठी सम्पन्न भएको हो ।
कार्यक्रममा सामुदायिक बन सम्बन्धी नियम,हिसाबको लेखाजोखा,बनको सिमा बिबाद,बन समिती नबिकरण, दर्ता प्रक्रिया लगायतका बिषयमा छलफल गरिएको थियो।
छलफलमा पालिका र सब डिभिजन बिच साझेदारी गर्नेगरी काम अगाडि बढाउनेमा समेत छलफल भएको थियो।
सब डिभिजन कार्यालय हाटका प्रमुख फोरेस्टर जगत बोहराको अध्यतामा सम्पन्न भएको कार्यक्रममा पुर्चौडी नगरपालिका वडा नं. १ का वडा अध्यक्ष गणेश गडाल प्रमुख अथिती रहेका थिए।
गोष्ठीमा पुर्चौडी नगरपालिका भित्रका ३६ वटा सामुदायिक बनका प्रतिनिधिहरुको उल्लेख्य सहभागिता रहेको बनरक्षक साहुकार रानाले बताए ।
