बैतडी : बैतडीको मेलौली २ स्थित कोटेश्वर आविको खेलमैदानमा जारी १६ बर्षमुनिको पुरुष भाले कप भलिबल प्रतियोगिताको उपाधि आयोजक टीम दिपज्योति युवा क्लवले जीतेको छ । बुधबार देखि सुरु भएको प्रतियोगितामा जर्कुलाई २-१ सेटले पराजित गर्दै उपाधि जितेको हो ।
प्रतियोगितामा जर्कु द्वितीय र ग्वाल्लेक तृतीय स्थान हात पार्न सफल भएको खेल व्यवस्थापक दिपेन्द्र ओडले बताए ।
छ वटा टिम सहभागी रहेको प्रतियोगिता लिग चरण हुँदै फाइनलसम्म पुगेको थियो। प्रथम हुने टिमलाई भाले, द्वितीय हुने टिमलाई एक हजार रुपैयाँ र तृतीय हुने टिमलाई छ सय रुपैयाँ नगद पुरस्कार प्रदान गरिएको आयोजकले जनाएको छ।
आयोजकका अनुसार भाले कप प्रतियोगिताले १६ वर्षमुनिका युवाहरुको खेलप्रतिको रुचि जगाउन र खेलकुदको विकासमा सहयोग पुग्ने अपेक्षा गरिएको छ ।
