लेनदेनको बिषयमा गोलि चलेपछि बैतडीमा एक जना गम्भीर घाइते

By सहज खबर On २०८१ फाल्गुन १७, शनिबार २२:५७

बैतडी : बैतडीमा गोली प्रहारबाट एक जना गम्भीर घाइते भएका छन् । जिल्लाको दोगडाकेदार गाउँपालिका-८का अन्दाजी २५ वर्षका सुरेन्द्र बिष्ट गोली प्रहारबाट गम्भीर घाइते भएका हुन् ।

गाउँकै दाजु नाता पर्ने अन्दाजी ४५ वर्षका कर्ण बिष्टले सुरेन्द्रमाथी शनिबार राती करिब साढे ९ बजेको समयमा गोली प्रहार गरि गम्भीर घाइते बनाएको जिल्ला प्रहरी कार्यालय बैतडीका प्रहरी निरीक्षक बल्देव बडूले जानकारी दिए ।

सुरेन्द्रको पेटमा गम्भीर चोट लागेको छ । लेनदेनको विषयमा विवाद रहेको बुझिएको छ ।

घाइते बिष्टलाई उपचारको लागि स्थानीयले खोचलेक तर्फ ल्याउदैछन । उपचारको लागि डडेल्धुरा लैजाने वा बैतडी ल्याउने भन्ने विषयमा समेत स्पष्ट नभएको प्रहरीले जनाएको छ ।

जिल्ला प्रहरी कार्यालय बैतडीबाट प्रहरी निरीक्षक बडूको नेतृत्वमा प्रहरी टोली घटनास्थलतर्फ गइरहेको छ। खोचलेक प्रहरी चौकीबाट पनि प्रहरी टोली घटनास्थलतर्फ गइरहेको छ ।