बैतडी शिक्षा क्याम्पस शाहिलेकको स्ववियु सभापतिमा अकबर चन्द निर्विरोध

By सहज खबर On २०८१ फाल्गुन २७, मंगलवार १५:१३

बैतडी : बैतडी शिक्षा क्याम्पस शाहिलेकमा स्वतन्त्र विद्यार्थी युनियनको नेतृत्व निर्विरोध चयन भएको छ । नेकपा एमाले निकट अखिल नेपाल स्वतन्त्र विद्यार्थी युनियनको सिंगो प्यानल नै निर्विरोध चयन भएको हो ।
बैतडी शिक्षा क्याम्पसको स्ववियु सभापतिमा अनेरास्ववियुका अक्बर चन्दको नेतृत्वमा प्यानलसहित निविरोध चयन भएका छन् । उपसभापति जनक नाथ, सचिवमा धिरज जोशी, सहसचिवमा सन्तोष बोकटी कोषाध्यक्षमा ममता टेलर, सदस्यमा पुनम पन्त, चाँदनी वड हेमन्ती चन्दर मेघा बराल रहेका छन् ।
आधिकारीक रुपमा घोषणा हुन बाँकी रहेको छ ।
आगामी चैत्र ५ गते हुने स्ववियु निर्वाचनका लागि आज ११ बजेदेखी २ बजे सम्म मनोनयन दर्ताको समय तोकिएको थियो । उक्त समयमा अरु विद्यार्थी संगठनबाट मनोनयन दर्ता नभएको बताइएको छ ।