बैतडीको पुर्चौडी नगरपालिका–७ स्थित कोटिला स्वास्थ्य चौकीका इन्चार्ज सुमन लोहारले सोही स्वास्थ्य चौकीमा कार्यरत अनमी माया भट्टमाथि कुटपिट गरेको आरोप छ । जिल्ला प्रहरी कार्यालय कैलालीका अनुसार लोहारले धनगढी उपमहानगरपालिका–१ अदालत रोड क्षेत्रमा भट्टमाथि इट्टा प्रहार गरी कुटपिट गरेको जनाएको छ ।
कुटपिटको घटना देखेपछि स्थानियले प्रहरीलाई खबर गरेका थिए । त्यसपछि प्रहरीले लोहारलाई नियन्त्रणमा लिएको जिल्ला प्रहरी कार्यालय कैलालीका प्रहरी प्रवक्ता डिएसपी योगेन्द्र तिमिल्सिनाले जानकारी दिए ।
अनमी माया भट्टको मायामेट्रो अस्पतालमा उपचार भैरहेको छ ।
घटनाबारे अनुसन्धान भैरहेको प्रहरीले जनाएको छ ।
