बैतडीको पाटनमा जारी चौथो संस्करणको पाटन प्रिमियर लिगको सुपर सिक्समा पञ्चेश्वर गाउँपालिका विजयी भएको छ ।
आजको पहिलो खेलमा पञ्चेश्वर गाउँपालिकाले पाटन क्रीकेट क्लबलाई ८० रनले पराजित गरेको हो ।
पञ्चेश्वर गाउँपालिकाले दिएको २१० रनको लक्ष पछ्याएको पाटन क्रीकेट क्लबले १७.२ ओभरमा १२९ रनमा समेटियो । पाटनका सुमित बुढालले ५२ रनको अर्धसतकीय पारी खेलेका थिए । दिपक बोहराले २७ रनको योगदान दिएका थिए ।
पञ्चेश्वरका लागि हिक्मत महरा र दिनेश महराले ३/३ विकेट लिए ।
यसअघि कृष्ण माविको खेलमैदानमा टस हारेर ब्याटिङ गरेको पञ्चेश्वर गाउँपालिकाले निर्धारित २० ओभरमा ८ विकेटको क्षतिमा २०९ रन बनाएका थिए ।
पञ्चेश्वरका लागि बिकास कार्कीले ९८ रनको इनिङ खेलेका थिए । बिरेन्द्र नाथले पनि ५९ रनको योगदान गरेका थिए ।
पाटनका निरज बिष्टले २ विकेट लिए ।
